屍殺列車影評: 人性黑暗的背後? 愛令自己不再醜陋?
想和我一樣30天升10000訂閱：http://goo.gl/zNT6Ck
屍速列車／屍殺列車 Train to Busan
影評: 人性黑暗的背後? 愛令自己不再醜陋?
睇完呢套戲我內心第一個感覺係：「哇頂！真係好耐無睇過啲咁好睇嘅商業片！」之前睇trailer已經覺得好吸引好刺激，入場睇完真係不負所望，我比滿分！點解咁激動？因為有對比。之前所睇美國嘅一啲喪屍電影都太過英雄主義同超現實，屍殺列車係一套觀眾會覺得比較合理而貼近現實啲嘅喪屍片。硬係要挑剔嘅我應該要突燈諗諗。
屍速列車／屍殺列車 Train to Busan 描繪人性描繪得好好，角色性格鮮明而且分配得好均暈。全場絕無冷場，節奏掌握得好好，劇情合理緊張，有好多位都好感人，我以為完嘅時候原來仲有戲肉，唔會爛尾，結局結得非常好！超級推介比大家睇，大家shut up and pay your money啦。
以下為劇透影評
戲中有幾樣嘢我想講下
屍速列車／屍殺列車 Train to Busan 描繪人性可以因為愛而轉善，用男主角同個女嘅關係就完全顯現到出嚟。男主角作為一個爸爸，本應係一個好自私嘅人，係患難之中佢反而被個女點醒咗，被大叔嘅正義感所感動，好明顯係大叔救咗佢個女之後，佢開始改變，去到最後更加犧牲自己，個幕真係忍唔住，眼淺嘅你一定會淚崩。臨落車前有一幕想提一提，男主角接到同事金代理嘅電話之後佢洗手，洗完手之後開始後悔，電影呢一刻我相信想交代嘅係佢想洗甩手上污糟嘅血但其實已經洗唔甩呢點。如果無睇錯佢係洗唔甩哂佢手上嘅血跡，男主角對於佢做過嘅往事深感後悔，可惜一切都太遲。
另外作為人性最黑暗嘅榜樣，電影將呢個角色塑造得好成功，戲中好有層次地將所謂人性黑暗嘅地方立體地顯現咗出嚟。最後一幕佢變成喪屍之前講出佢好想去斧山，好驚見唔到佢媽媽，講出佢冷血自私嘅黑暗面背後其實係來自恐懼。人害怕失去所以強行控制，變得自私；害怕受傷所以固步自封，變得無情。唔好誤會電影為人性變得黑暗而附上一個美麗嘅藉口，其實係揭開呢啲人嘅面紗，說穿了佢地嘅一無所有。
最後我向大叔致敬，佢係我最中意嘅角色，超有正義感超型，最型係佢趕上車攞警棍警盾撞走啲喪屍個幕，呢條友係真男人、鐵漢子，型到地裂，佢犧牲個位又係會感動到差啲喊。
如果大家鐘意我嘅影評，希望你地可以like and share la，多謝你地收睇Ernest DoCRAZY，下次見
屍速列車／屍殺列車 Train to Busan 看影評前可看預告
https://youtu.be/26Xk01bdev0
《屍速列車／屍殺列車》電影點評／影評
https://youtu.be/07whqT46fYs
屍速列車 Train to Busan｜無雷影評
https://youtu.be/jUwy81R_8yM
想留意更多我的動態，記得緊貼Ernest DoCRAZY
Ernest DoCRAZY社交平台：
Ernest DoCRAZY channel:
https://www.youtube.com/c/ErnestDoCRAZYTV
Ernest DoCRAZY facebook:
https://www.facebook.com/ErnestDoCRAZY/
Ernest DoCRAZY instagram:
https://www.instagram.com/ernest_pch/
